بتسالي نفسك الاسئلة ده قبل متشتري هدوم؟

من المواضيع المهمة اللي محتاجين نتكلم فيها  لماانا باجي اشتري هدوم انا  بشتري القطعة ده ليه هل انا محتجاها ولا شكلها عجبني وخلاص؟ 

لازم كام سوال اسالهم لنفسي قبل مقرر فعلا اني عايزة القطعة ده: 

1.هل انا محتجاها ولا عايزاها؟ 

2.يا تري شكلها مناسب لشكل جسمي ولا مش هتكون حلوة عليا وهتبين ديفوهاتي؟ 

3.هل اللون ده انا بلبسه وبحبه ولا مجرد لون نازل موضة حسيت برغبة فشرائي ليه؟ 

4.عندي كام حاجة اعرف البسهم علي القطعة ده ولا هي قطعة مميزة مش محتاجة حاجة طيب لو هي قطعة مميزة هل عندي اللي يليق عليها ويخليني اعرف البسها ولا لا؟ 

لو معندكيش حاجة تلبسيها عليها متشترهاش. 

5.هل سعرها مناسب وقماشتها مريحة هلبسها ولا لا

متاكدة لو جاوبتي عالاسئلة ده كلها قبل متشتري القطعة مستحيل تشتري حاجة وترجعي تقولي مش عارفة البسها... 

#BeUrOwnStylist #hijab #hijabfashion #hijabers #fashionista #fashionstyle #fashionblogger #hijabblogger #hot #fashion #فاشونستا #حجاب #ستايل #فستان #فساتين #سواريه #كاجوال #dress #dresses #casual #casualstyle #makeuptips 

#style #styleblogger #styletips #hijab #hijabstyle #hijabfashion #hijaber

 what should a stylist know about body shapes !! 

ماذا يجب ان يعرف منسق الملابس عن اشكال الجسم !!

علشان نحس اننا واثقين في نفسنا ولبسنا لازم نعرف شكل جسمنا الاول. ولازم نعرف ازاي نلبس لكل جزء من جسمنا افضل من اننا نلبس الجسم كله كقطعة واحدة.

واول حاجة لازم نعملها ان احنا نشوف كل جزء من جسمنا زو زاوية ولا كيرفي ولا الاتنين وساعتها هيبقي جسم متداخل يعني ايه الكلام ده؟؟

طيب اول حاجة هنعملها هنلبس حاجة تبين شكل جسمنا ونبص فالمراية هل الكتف خط مستقيم زواياه حادة ؟؟ ولا فيه كيرف او منحدر !!

وبعدين نقف بالجنب ونشوف بردو بقيت الاجزاء زي الجنب او المنطقة السفلية خط مستقيم ولا زوايا !!

الجسم اللي فيه زوايا او خطوط واضحة هيحتاج لبس يرفي اكتر والعكس صحيح.

قماشات زي البوبلين ، القطن ، structured blazer ،والجاكت والاشكال الهندسية بتناسب الجسم او اجزاء الجسم ذات الزوايا او الخطوط المستقيمة اكثر.

وقماشات زي الحرير والستان والشيفون الاقمشة الناعمة والرسومات او النقشات الرومانسية زي المشجرة او المنقطة (dots) هتناسب الجسم او اجزاء الجسم اللي كيرفي اكتر.

الشعر 😍♥
طبعا كلنا عارفين "زينة البنت فسيغتها وشعرها" 😂😂
مفيش بنت منفسهاش شعرها ببقي طويل وجميل وناعم وحاجة كدة زي بتوع شرق اسيا اللي بنشوفهم دول 😂😂😂
ولكن قبل اي حاجة لازم تبقي عارفة ان الشعر من اكتر الحاجات اللي بتتحكم فيها الجينات سواء لون، نعومة ،درجة فارده ،تقل وسمك الشعراية وحتي الطول نفسي كل ده بيبقي ليه عوامل وراثية كتيرة جدا ولكن احنا نحاول نعمل اللي نقدر عليه ،ولازم احب شعري زي ما هو واحمد ربنا اني عند شعر اصلا واحمد ع خلقته وانه صورني فاحسن صورة ♥♥
طيب ايه الحاجات اللي اقدر اعملها تساعد ع ان شكله يبقي "صحي" وحطلي خط تحت صحي ده ومتغذي بغض النظر عن نوعه ؟ وهتكلم عن الانواع ده  تاني وحوار تاني 😂
1.مية كتير اشرب مية ع اد ما اقدر المية من اكتر الحاجات اللي بتفرق مع جسمي وبشرتي وشعري وصحتي بصفة عامة فحاولي عالاقل تشربي لترين ميه فاليوم.
2.اكلي الاكل صحي بردو من اكتر الحاجات اللي بتاثر وتبان فالشعر كلي حاجات فيها فيتامينات زي الخضار والفاكهة واوميجا 3 زي الاسماك والجرجير ثم الجرجير ثم الجرجير 😂😂.
3.بلاش بلاش بلاش شامبوهات فيها صلفيت من اكتر الحاجات االي بتدمر الشعر وتقصفه وتبوظه مع الاستمرارية هاتي دايما شامبو طبي او مكوناته طبيعية ولو شعرك دهني اوي اغسليه بشامبو فيه صلفيت مرة واحدة فالشهر والباقي يبقي بالشامبوو التاني .
4.متغسليش شعرك بشامبو اكتر من مرتين فالاسبوع.
5.حمام زيت بقي وحمام كريم ودلعي شعرك والحاجات ده بتفرق جدا مع الشعر .
6.الزيوت الطبيعية من احسن الحاجات للشعر ومهما جبتي ادوية وخدتيها وعملتيها صدقيني لو جربتي الزيوت الطبيعية هتتفاجيء بنتيجتها .
7.قصي اطراف شعرك كل من شهر ل 3 شهور متكتريش عن كدة ودايما قصيه فنص الشهر العربي يوم 15 او 16 علشان القمر ليه تاثير ع جسم الانسان وبيساعد ع نمو الشعر وكدة موضوع كبير مش هدخل فيه دلوقتي 😂
8.وده اهم حاجة الشعر مش زي البشرة بيتاثر بسرعة وكدة لا الشعر عالاقل بيبان اللي بتعمليه عليه بعد من 3 شهور ل 6 شهور في حاجة مع شعرك الصبر ثم الصبر ثم الله المستعان 😂
هنزلكوا حاجات بردو تعملوها ومعلومات تاني عن الشعر اكيد اتمني تكونوا استفدتوا 😍♥
#BeUrOwnStylist #hairroutine

اكلمكوا عن الالوان تاني ؟ هكلمكوا عن الالوان 😂😂😂

بس هتكلم عن اللبس المنقوش 🤭

-كاروهات

-مشجر صغير

-مشجر كبير

-مقلم بالطول

-مقلم بالعرض

-طبعة الحيوانات او animal print

النقشات ده هي النقشات الاساسية فاي هدوم منقوشة والباقي بيتفرع منها

اول حاجة هتكلم عنها ايه بيتخن وايه بيرفع وكدة !!🤔

بالنسبة للنقشة اللي بتبين الوزن اقل او بترفع :

-المقلم بالطول لانه بيخلي العين تروح بشكل طولي بالتالي بتصرف عن شكل العرض

-المشجر الكبير لانه بيشتت العين بردو فمبيبينش الحجم الاساسي للشخص

-الكاروهات العريضة نفس الفكرة

نيجي بقي لاللي بيتخن طبعا هكون عكس اللي فوق #بديهيات 😂:

-المقلم بالعرض بردو الفكرة فالايحاء اللي العين بتاخده

-المشجر الصغير لانه بيدي ايحاء ان في حاجات كتير فبيبين الانسان اتخن

والناس اللي وشها صغير طبعا يلبسه طرح منقوش او مشجر صغير والعمس صحيح

طيب بعد كدة ازاي انسق ؟؟ هقولك 3 خطوات بساط اوي🤔🤔

-لو التوب او البلوزة هو اللي منقوش يبقي الطرحة والجيبة او البنطلون سادة واختار الشوز والشنطة سادة او منقوش براحتك 👚👚

-لو الجيبة او البنلطون هو اللي منقوش يبقي البلوزة والشوز والشنطة يبقوا سادة لو محتارة فالطرحة اوي خليها سادة بردو لو لقيتي نفس النقشة بتاعة الجيبة او البنطلون البسيها👖

-لو لابسة فستان منقوش يبقي الباقي كله ساااااااااادة ولو لابسة كارديجان منقوش يبقي الباقي كله سادة بردو الا في حالة واحدة لو الفستان او الكارديجان مقلم بالعرض والتقليمة عريضة جداااا ممكن تلبسي منقوش ساعتها والافضل تكون الحاجة المنقوشة ده هي الطرحة بس....👗

طيب ايه اللي نازل موضه السنة ده ؟؟ 🐯🐯🐍

-الطبعة الحيوانية او animal print نازلة باكتساااااااح سواء التايجر او الSnake أللي هو التعبان والحمار الوحشي او الzebra موضة جدا فكل حاجة بلوزات فساتين جيب شوزات شنط كل حاجة فهو اختيار ممتاز لو عايزة تجيبي حاجة كدة الصيف ده ...

#BeUrOwnStylist